= Latin translation
{scope}
\b[Original question.]
Translate :—
Ut haec vasorum, in ejusmodi praesertim corpore, magna angustia initium fortasse fuerat morborum omnium, ita pancreatis, magisque Duodeni intestini duritiem vomitionum fuisse causam, non dubito. Sive enim id intestinum a compressione stringatur, ut olim animadvertit Riolanus, quem hic in Sepulchreto laudatum videbis, sive ob scirrhosas tunicas se minime possit constringere, oppositas hasce causas idem effectus sequitur, ut illapsura ex ventriculo cum minus facile aut excipiantur, aut ulterius promoveantur, nempe in ventriculo restent pleraque, ibique corrupta, aut mora ipsa gravia, et molesta impellant ad vomitum : cujus rei luculentum exemplum etiam protulit Cl. Molinellius. Idem contingat, necesse est, cum pylorus vitiis afficitur ejusdemmodi. Plurima autem hic in Sepulchreto habes exempla, ut Observatione XI. et XVII. et plerisque aliis insequentibus ferme usque ad XXVI. et rursus in LVI. § 13 in Additamentis autem Observatione I. et VIII. quin etiam alibi, ut libro I. Sect. IX. Observatione non solum XXXIV. sed insuper, si \i[subversiones] illas attendas, XXXIII. Inter illas autem quas Sectione VIII. hac leges, cum ad Observationem perveneris XXI. non ita dissimilem alterius quae a Joanne Bohnio est, in illaque vomitionem ciborum omnium, et mortem denique intra decimum diem consecutas invenies pylori occlusionem a nummo devorato exiguo argenteo; veniet procul dubio in mentem nummi illius argentei tanto majoris quem solers Chirurgus \i[du Luc] inde, atque adeo extra corpus cum aliis auxiliis, tum hydrargyri praesertim et pondere urgentis, et \i[amalgamatione], ut Chymici loquuntur, imminuentis feliciter deturbavit, cum jam laevi ad pylorum dolores incepissent cum vomendi voluntate.
\i[Morgagni de Sed. Morb.] Lib. iii.
Back to article page
